លោក Steve Jobs
លោក Steve Jobs ដែលជាអគ្គនាយកក្រុមហ៊ុន Apple បានដាក់ពាក្យសុំឈប់សំរាកពីការងារមួយរយៈ ដោយលោកមានបញ្ហាសុខភាព។ លោក Steve ឥឡូវនេះមានអាយុ ៥៥ ឆ្នាំ ដែលកាលពីឆ្នាំ ២០០៤ លោកធ្លាប់បានធ្វើការវះកាត់មហារីកលំពែង ហើយបានវះកាត់ប្តូរថ្លើមនៅឆ្នាំ ២០០៩។ គួររំលឹកផងដែរថា កាលពីឆ្នាំ ២០០៩ ដដែលនេះ លោកបានសុំឈប់សំរាកមើលថែសុខភាពអស់រយៈពេល ៦ ខែ ពីខែមករា ដល់ខែមិថុនា។ ដំណឹងសុំច្បាប់ឈប់សំរាកនេះ បានធ្វើអោយប្រិយមិត្តគាំទ្រ Apple ក៏ដូចជាម្ចាស់ភាគហ៊ុនមានការព្រ
ួយ បារម្ភយ៉ាងខ្លាំង ពីព្រោះលោកគឺមនុស្សសំខាន់បំផុតនៅក្នុងក្រុមហ៊ុន Apple ដោយវាសនារបស់ក្រុមហ៊ុនពឹងផ្អែកទាំងស្រុងលើសមត្ថភាពច្នៃប្រឌិត គ្មានគូប្រៀបរបស់លោក។
ក្រោយពីចាកចេញអស់រយៈពេល ១២ ឆ្នាំ លោក Steve Jobs បានចូលបំរើការអោយក្រុមហ៊ុន Apple វិញតាំងពីឆ្នាំ ១៩៩៧ ហើយបានបង្កើតអោយមានផលិតផលល្បីៗមានដូចជា iPod, iPhone និង iPad។
រូបភាពពី AFP
មនុស្ស យន្តប្រមាណជាង 30 បានចាប់ផ្តើមបង្រៀនភាសាអង់គ្លេសដល់ក្មេងៗក្នុងទីក្រុងមួយ នៃប្រទេសកូរ៉េខាងត្បូង។ នេះបើយោងតាមមន្ត្រីអប់រំមួយរូបបាននិយាយកាលពីថ្ងៃអង្គារ៍ ម្សិលម៉ិញនេះ នៅក្នុងគម្រោងសាកល្បងដំណើរការបណ្តុះបណ្តាលនៃឧស្សាហកម្មមនុស្ស យន្ត។ លោក Engkey ក្រុមរបស់លោកបានបង្កើតមនុស្សយន្តដែលមានឈ្មោះថា វិទ្យាស្ថានវិទ្យាសាស្ត្រនៃបច្ចេកវិទ្យាកូរ៉េ បានចាប់ផ្តើមយកថ្នាក់កាលពីថ្ងៃ ច័ន្ទ ដើមសប្តាហ៍នេះ នៅឯសាលាបឋមសិក្សាចំនួន 21 ក្នុងភាគខាងត្បូងទីក្រុង Daegu។
តាមការបញ្ជាក់របស់វិបសៃថ៍ Yahoo ផ្សាយឲ្យដឹងថា មនុស្សយន្តនីមួយៗ មានកំពស់ 3.3 ហ្វីត ជាមួយនឹងការបង្ហាញកញ្ចក់ TV នៅពីខាងមុខវិលជុំវិញថ្នាក់រៀន ខណៈពេលដែលមនុស្សយន្តនេះនិយាយទៅកាន់សិស្ស ការអានសៀវភៅទៅកាន់សិស្ស និងការរាំតាមចង្វាក់ភ្លេងដោយការធ្វើកងិងក់ និងដៃ៕
រូបភាពពី Yahoo
ភ្នាក់ ងារ Reuters រាយការណ៍ថា ទូរគមនាគមន៍ Cricket ឬហៅជាភាសាអង់គ្លេសថា Cricket Communications បានដំណើរសេវាកម្មបទចម្រៀងសម្រាប់អតិថិជនដែលប្រើប្រាស់បណ្តាញ ឥតខ្សែ (wireless customers) ដោយផ្តល់នូវបទចម្រៀងជាច្រើនឲ្យធ្វើការទាញយក (download) គ្មានដែនកំណត់។ សម្រាប់អតិថិជនដែលបង់តម្លៃសេវាកម្ម 55 ដុល្លារក្នុងមួយខែ Cricket គឺជាផ្នែកមួយនៃ Leap Wireless International Inc នឹងលក់រួមជាមួយនឹងសំឡេង ទិន្នន័យ និងសេវាជាអក្សរ ទាំងអស់នេះអតិថិជនអាចទាញយកនូវបទចម្រៀង ដែលនឹងចាប់ផ្តើមក្នុងខែ មករា ដើមឆ្នាំ 2010 ខាងមុខនេះ។ ចំណែកឯក្រុមហ៊ុនក៏បានឲ្យដឹងដែរថា សេវាកម្មថី្មនេះ (Muve service) នឹងផ្តល់នូវបទចម្រៀងពីក្រុមដ៏ល្បីចំនួន 4 ផ្សេងគ្នា មានដូចជា Vivendi’s Universal Music Group, Warner Music Group, Sony Entertainment និង EMI Music។ ជាងនេះទៀត បទចម្រៀងទាំងអស់ដែលនឹងត្រូវដាក់ឲ្យធ្វើការទាញយក គឺនៅលើទូរស័ព្ទដៃរបស់គេផ្ទាល់។ នេះបើតាមប្រសាសន៍របស់លោក Tong ដែលជាមន្ត្រីជាន់ខ្ពស់មួយរូបរបស់ Cricket៕
ភ្នាក់ងារ Reuters នៅទីក្រុងតូក្យូ ប្រទេសជប៉ុនរាយការណ៍នៅថ្ងៃនេះឲ្យដឹងថា ក្រុមហ៊ុន Sony កំពុងចរចារទិញខ្សែសង្វាក់ microchip ពីក្រុមហ៊ុន Toshiba ក្នុងតម្លៃប៉ាន់ស្មាន ៥០ ពាន់លានយ៉េន ឬប្រហែល ៥៩៨ លានដុល្លារអាមេរិក ដើម្បីដាក់បញ្ចូល Chip នេះទៅក្នុងម៉ាស៊ីនកាម៉េរ៉ា និងទូរស័ព្ទរបស់ខ្លួន។ ក្រុមហ៊ុន Sony បានទិញយករោងចក្រ Toshiba ដែលជាក្រុមហ៊ុនផលិត Chip ចំណាត់ថ្នាក់ទី ៣ នៅពីក្រោយសាជីវកម្ម Intel និងក្រុមហ៊ុន Samsung Electronics ក្នុងតម្លៃ ៩០ ពាន់លានយ៉េនកាលពីឆ្នាំ ២០០៨៕
LG
នៅ ថ្ងៃនេះវិបសៃថ៍ Yahoo ផ្សាយឲ្យដឹងថា ទូរស័ព្ទដំណើរការ Dual-Core Smartphones ត្រូវបានក្រុមហ៊ុន LG នឹងចេញលក់មុនដំបូងគេបំផុតមិនធ្លាប់មានពីមុនមក។ ផលិតនេះត្រូវបានគេឲ្យឈ្មោះថា LG Optimus 2X ជាទូរស័ព្ទ Smartphones មុនដំបូងគេជាមួយ dual-core processor 1GHz Nvidia Tegra 2 អេក្រង់ 4 អ៊ិញ មេម៉ូរីទំហំ 8GB ហើយអាចបន្ថែមរហូតដល់ទំហំ 32GB microSD ថ្ម 1,500 mAh កាមេរ៉ាទំហំ 8 មេហ្គាភិចសែល និងកាមេរ៉ានៅខាងមុខទំហំ 1.3 មេហ្គាភិចសែលសម្រាប់ Video Call។ បន្ថែមពីលើនេះ សម្ទង់ល្បឿនកាន់តែល្អប្រសើរជាងមុន Gyro Sensor និង micro-USB port ហើយស្គាល់ HDMI នឹងបណ្តាញតភ្ផាប់ (home network) រួមបញ្ចូល HD TV ទៀតផង។ LG Optimus 2X ដំណើរការ Android 2.2 ហើយអាច Upgraded ទៅប្រព័ន្ធដំណើរការ Android 2.3។ ទូរស័ព្ទនេះនឹងមានលក់នៅក្នុងប្រទេសកូរ៉េនៅដើមខែ មករា ឆ្នាំ ២០១១ បន្ទាប់មកនឹងមានលក់នៅច្រើនប្រទេសក្នុងទ្វីបអឺរ៉ុប និងអាស៊ី៕
បច្ចេកវិទ្យា
បណ្តាញផ្សព្វផ្សាយព័ត៌មាន AP រាយការណ៍នៅលើវិបសៃថ៍ Google បានឲ្យដឹងថា បន្ទាប់ពីជួបប្រសព្វនឹងភាពជោគជ័យខាងផ្នែកផ្តល់សេវា Search Engine នៅថ្ងៃ អង្គារ ទី ៧ ធ្នូនេះ Google បានចេញលក់នូវទូរស័ព្ទម៉ូដែលទំនើប Nexus S ដែលទូរស័ព្ទនេះត្រូវបានផលិតដោយក្រុមហ៊ុនអេឡិចត្រូនិចដ៏ល្បី ឈ្មោះ Samsung របស់ប្រទេសកូរ៉េខាងត្បូង។ Google ឲ្យដឹងថាទូរស័ព្ទម៉ូដែលនេះ គឺជាប្រភេទទូរស័ព្ទដ៏ទំនើបមួយដែលគ្រោងនឹងចាប់ផ្តើមចេញលក់ ដើមឆ្នាំ ២០១១ ឆាប់ៗខាងមុខនេះ ហើយទូរស័ព្ទ Nexus S ប្រតិបត្តិការដោយប្រព័ន្ធ Android ស៊េរីថ្មីរបស់ខ្លួន ហើយដែល Google ដាក់ឈ្មោះថា Gingerbread។
លោក Rudin មន្ត្រីម្នាក់របស់ Google ឲ្យដឹងថា Nexus S នឹងមានលក់នៅលើទីផ្សារសហរដ្ឋអាមេរិកនៅថ្ងៃទី ១៦ ធ្នូខាងមុខនេះ និងនៅថ្ងៃទី ២០ ធ្នូក្នុងប្រទេសអង់គ្លេស។ រីឯតម្លៃរបស់វាវិញ គឺ ៥២៩ ដុល្លារអាមេរិក។ សូមបញ្ជាក់ថា ទូរស័ព្ទ Nexus S ជាប្រភេទទូរស័ព្ទ Touchsreen ល្បឿនប្រតិបត្តិការ 1.00 GHz និងមានភ្ផាប់មកជាមួយនូវកាមេរ៉ាខាងមុខ និងខាងក្រោយ ព្រមជាមួយអង្គចងចាំ 16GB៕
|
នាពេលថ្មីៗនេះក្រុមហ៊ុននីសាន់បានបើកបង្ហាញរថយន្តម៉ូដែល  ថ្មីទំនើបដែលជារថយន្តបំពាក់ដោយប្រព័ន្ធអេឡិចត្រូនិចដំបូងគេ និងបានក្លាយជារថយន្តទទួលបានជ័យជំនះនៅអឺរ៉ុបប្រចាំឆ្នាំ។ Leaf ជារថយន្តតូចល្មម និងជួយសម្អាតបរិស្ថានត្រូវបានដាក់លក់ហើយលើទីផ្សាររបស់ប្រទេស ជប៉ុន ដែលមានគម្រោងវាយលុកទីផ្សារ អឺរ៉ុបឆ្នាំក្រោយ។ Leaf ប្រើដោយថាមពលអគ្គីសនីអាចរត់បានល្បឿន ១៧៥គីឡូម៉ែតសម្រាប់ការសាកថ្ម ៨ ម៉ោង៕
ថ្មីពី Google Docs ប្រិយមិត្តខ្មែរសារិកា អ្នកអាចកែលម្អរឯកសារនៅលើទូរស័ព្ទដៃ។ ទស្សនាវីដេអូខាងក្រោម៖
មានសេចក្តីរាយការណ៍មួយបានឲ្យដឹងថា Zynga គឺវិបសាយមួយដែលផ្តល់សេវាកម្មហ្គេមកម្សាន្តដ៏ពេញនិយមប្រកាស អះអាងថាខ្លួនមានអ្នកប្រើប្រាស់ (លេង) ប្រមាណជាង ៣ លាននាក់ក្នុងមួយថ្ងៃ។ នេះគឺជាអ្វីដែលលោកនាយកប្រតិបត្តិ Mark Pincus ចែករំលែកព័ត៌មាននៅលើ Web 2.0 Summit នៅឯ San Francisco កាលពីពេលថ្មីៗនេះ។ លោក Pincus ក៏បានអះអាងផងដែរថា ពួកគេបានធ្វើការស្ទាបស្ទង់ដោយធ្វើការប៉ាន់ប្រមាណថា មនុស្សជាង ៣២០ លាននាក់ធ្លាប់លេង Zynga game៕
រូបភាពពី Google កាល ពីម្សិលម៉ិញនេះ ក្រុមហ៊ុន Microsoft បានអះអាងថា ខ្លួននឹងបង្កើតស៊េរីនៃប្រព័ន្ធប្រតិបត្តិការ Windows ដែលនឹងដំណើរការនៅលើ Chip ទូរស័ព្ទដៃ ហើយវាគឺជាជម្រើសផ្សេងៗសម្រាប់ការប្រើប្រាស់លើកដំបូងដោយពឹង ផ្អែកលើបច្ចេកវិទ្យារបស់ Intel ផងដែរ។ ស៊េរីថ្មីនេះមានគុណសម្បត្តិជាច្រើនរាប់បញ្ចូលទាំងការសន្សំ សំចៃថាមពល (ថ្ម) តាមរយៈ Chip របស់ទូរស័ព្ទដៃ។ បើយោងតាមលោក Steve Sinofsky ប្រធានផ្នែក Windows បានធ្វើការបង្ហាញនៅពិពណ៌មួយនៅក្នុងទីក្រុង Las Vegas (International Consumer Electronics Show) ដែលកម្មវិធីតាំងបង្ហាញនេះត្រូវបានរៀបចំដោយ ARM Holding ជាក្រុមហ៊ុនមកពីប្រទេសអង់គ្លេស។ លោក Sinofsky មិនធ្វើការគូសបញ្ជាក់ពីស៊េរី Windows ថ្មីឲ្យបានល្អិតល្អន់នោះទេ ហើយថាតើវានឹងចេញលក់នៅពេលណានោះទេ គឺគ្រាន់តែបញ្ជាក់យ៉ាងយូរមួយឆ្នាំទៀត ឬពីរ ឬបីឆ្នាំ៕ |
|
Tesla (រូបភាពពី AP) ក្រុម ហ៊ុន Panasonic បានវិនិយោគដើមទុនប្រមាណ 30 លានដុល្លារនៅក្នុងក្រុមហ៊ុន Tesla Motors ដែលជាក្រុមហ៊ុនផលិតនូវរថយន្តសម្រាប់បម្រើនូវសេចក្តីត្រូវការ ផ្នែកកីឡា ជាមួយនឹងការសំឡើងឃើញនូវការពង្រីកនៅក្នុងទីផ្សារពិភពលោក សម្រាប់យាន្តបៃតង។ Panasonic គឺជាក្រុមហ៊ុនផលិតនូវឧបករណ៍អេឡិចត្រូនិចដ៏ធំនៅក្នុងប្រទេស ជប៉ុន ដែលបានទិញហ៊ុនរបស់ក្រុមហ៊ុន Tesla ធម្មតាតម្លៃ 21.15 ដុល្លារក្នុងមួយហ៊ុន។ ក្រុមហ៊ុន Panasonic បានបង្កើតនូវថ្មសម្រាប់យាន្ត Tesla។ នេះបើយោងតាមសេចក្តីប្រកាសរបស់ក្រុមហ៊ុនទាំងពីរថាពួកគេបាន រួមគ្នា ព្រមទាំងលក់ថ្មជាកញ្ចប់សម្រាប់រថយន្តអេឡិចត្រូនិក។
អានបន្ត... |
រូបភាពពី AFP យោង តាមប្រភពពី AFP បានរាយការណ៍ឲ្យដឹងថា ប៉ូលីសនៅក្នុងប្រទេសចិនបានផ្តល់ប្រាក់ និងរង្វាន់លើកទឹកចិត្តដល់ប្រជាពលរដ្ឋដើម្បីចូលរួមស៊ើប អង្កេតនៅក្នុងបទឧក្រិដ្ឋ ដែលប្រទេសនេះមានចំនួនអ្នកប្រើប្រាស់អ៊ីនធឺណិតច្រើនលាននាក់។ ដោយឡែកសារព័ត៌មានចិន China Daily ក៏បានរាយការណ៍ផងដែរថា អាជ្ញាធរនៅក្នុងតំបន់ Xinjiang ក្នុងខែធ្នូនេះបានដាក់ផ្សាយរូបថតជនដែលបង្កហេតុក្នុង បទឧក្រិដ្ឋនៅលើវិបសៃថ៍អ៊ិនធឺណិត ដោយផ្តល់ប្រាក់រង្វាន់ពី ៥០០ ដល់ ៥០០០ យ៉ន់ (ពី ៧៥ ដល់ ៧៥០ ដុល្លារអាមេរិក) ឬអាចហៅថា កាក់ QQ។ ចំណែកឯប៉ូលីសនៅទិសខាងកើតខេត្ត Jiangsu ក៏បានផ្តល់ប្រាក់រង្វាន់មិនតិចជាង ១០ ម៉ឺនយ៉ន់ផងដែរ។ ប្រទេសចិន គឺជាប្រទេសមួយដែលមានការវិវត្តន៍នៃបច្ចេកវិទ្យា និងឧស្សាហកម្មជាច្រើន កត្តានេះហើយបានជំរុញឲ្យអ្នកប្រើប្រាស់អ៊ិនធឺណិតសព្វថ្ងៃមាន ប្រមាណជាង ៤២០ លាននាក់៕
រូបភាពពីហ្គូហ្គល ក្រុម ហ៊ុន Mozilla បានចេញនូវកម្មវិធីសម្រាប់បើកវិបសៃថ៍ស៊េរី 4 របស់ខ្លួនកាលពីថ្ងៃព្រហស្បត្តិ៍កន្លងទៅនេះសម្រាប់ប្រព័ន្ធទូរ ស័ព្ទដៃ Android Smartphones ជាមួយនឹងការកែលំអរនូវផ្ទាំង Interface របស់អ្នកប្រើប្រាស់។ កម្មវិធីស៊េរី Beta ថ្មីនេះត្រូវការនូវទំហំរក្សាយ៉ាងតិច 17MB ដោយតម្រូវឲ្យអ្នកប្រើប្រាស់លុបចោល (Uninstall) នូវកម្មវិធី Mozilla Firefox ស៊េរីចាស់ដែលបានភ្ផាប់មកជាមួយជាមុនសិន រួចសឹមចាប់ផ្តើមតំឡើងកម្មវិធីស៊េរីថ្មីនេះ។ ជាមួយនឹងការកែលំអរថ្មីនេះ ក្រុមហ៊ុនបានបង្កើនល្បឿននៃការបើកវិបសៃថ៍ និងកាត់បន្ថយការបង្ហាញនូវទំព័រមួយចំនួនរបស់វិបសៃថ៍។ នៅលើ Android 2.2 កម្មវិធី Firefox 4 ប្រហែលជា ២៥ ភាគរយលឿនជាងមុន។ សូមបញ្ជាក់ថា កម្មវិធីបើកវិបសៃថ៍ថ្មីនេះ អ្នកប្រើប្រាស់អាចចែករំលែកនូវអាសយដ្ឋាន (Links) ពីមឺនុយ ហើយពិសេសជាងនេះទៀតអាចហៅមកវិញ (Undo) នូវ Tab ដែលបានបិទ៕
វិបសៃថ៍ CNN រាយការណ៍នៅថ្ងៃទី 5 ខែ វិច្ឆិកា នេះថា ដោយមានកិច្ចសហការគ្នារវាងក្រុមហ៊ុន Dell និងសាកលវិទ្យាល័យ Clemson និស្សិតផ្នែកវិស្វកម្មបានផលិតនូវរថយន្តម៉ូដែល BMW កូនកាត់ ដែលបំពាក់មកជាមួយនូវប្រព័ន្ធកម្សាន្តតាមរយៈការបញ្ចូលនូវកម្ម វិធីទូរស័ព្ទដៃ។ រថយន្តនេះគឺជារថយន្តជំនាន់ថ្មីមុនដំណាច់ឆ្នាំ 2010 នេះ ដែលភ្ផាប់មកជាមួយផងដែរនូវប្រព័ន្ធព័ត៌មានព្យាករណ៍អាកាសធាតុ ហើយក៏ជាការសហការរវាងសាកលវិទ្យា Clemson ជាមួយនឹង International Center for Automotive Research (CU-ICAR) ព្រមទាំងក្រុមវិស្វកម្មមកពី Dell ផងបដែរ។ បើតាមការផ្សាយរបស់ CNN ក៏បានរាយការណ៍បន្តទៀតថា រថយន្តថ្មីនេះត្រូវបានគេយកទៅតាំងបង្ហាញនៅឯ Specialty Equipment Market Association (SEMA) ក្នុងរដ្ឋ Las Vegas ដោយមិនទាន់បិទតម្លៃលក់នៅឡើយទេ៕
យោងតាមព័ត៌មានចុះផ្សាយនៅវិបសៃថ៍ Yahoo កាលពីម្សិលម៉ិញនេះ សេវាទូរស័ព្ទនៅលើអ៊ីនធឺណិត Skype នឹងអនុញ្ញាតឲ្យអ្នកប្រើប្រាស់ធ្វើការហៅចេញជា Skype Video Calling នៅលើទូរស័ព្ទដៃ iPhone 4 ក្នុងពេលឆាប់ៗនេះ និងបណ្តាទូរស័ព្ទដទៃទៀតផងដែរ។ ព័ត៌មានដាច់ដោយឡែកមួយទៀត ក៏បានធ្វើសេចក្តីរាយការណ៍ឲ្យដឹងដែរថា នាពេលបច្ចុប្បន្ន Skype មានចំនួនអ្នកប្រើប្រាស់ប្រមាណជាង ៥០០ លាននាក់ ហើយក្នុងមួយថ្ងៃៗ ចំនួនអ្នក Online វិញស្ថិតក្នុងចន្លោះពី ១៣ ទៅ ១៥ លាននាក់។ Skype មិនគ្រាន់តែជាសេវាកម្មហៅទូរស័ព្ទនៅលើកុំព្យូទ័រដែលផ្តល់នូវ សំឡេងច្បាស់ប៉ុណ្ណោះទេ វាថែមទាំងផ្តល់ឲ្យអ្នកនូវរូបភាពពីកាម៉េរ៉ាដែលអ្នកកំពុង ជជែកកម្សាន្តផងដែរ៕
|
|
|
នៅថ្ងៃនេះមានសេចក្តីរាយការណ៍ពីទីក្រុង Beijing បានឲ្យដឹងថា សហស្ថាបនា និងជានាយកប្រតិបត្តិវិបសៃថ៍បណ្តាញសង្គម Facebook លោក Mark Zuckerberg ចាប់ផ្តើមធ្វើទស្សនៈកិច្ចទៅកាន់ប្រទេសចិននៅថ្ងៃច័ន្ទនេះ។ ចំពោះរូបភាពជាច្រើនរបស់លោក Zuckerberg ទស្សនកិច្ចនៅឯក្រុមហ៊ុន Baidu Inc ត្រូវបានគេផ្សាយយ៉ាងលឿននៅលើ Online។ បើតាមលោក Kaiser Kuo ដែលជានាយកក្រុមហ៊ុន Baidu (ជាក្រុមហ៊ុនទូរគមនាគមន៍អន្តរជាតិ) បានប្រាប់សារព័ត៌មាន AP តាមទូរស័ព្ទ លោក Zuckerberg បានទទួលទានអាហារថ្ងៃត្រង់ជាមួយនាយកប្រតិបត្តិ Baidu លោក Robin Li៕
ប្រភពព័ត៌មានពីវិបសៃថ៍ Yahoo រាយការណ៍ថា ក្រុមហ៊ុន Apple បានពន្យាពេលចេញលក់ទូរស័ព្ទដៃ iPhone 4 ពណ៌ស រហូតដល់រដូវស្លឹកឈើលាស់។ នេះបើយោងតាមអ្នកនាំពាក្យក្រុមហ៊ុន Apple លោក Trudy Muller ថ្លៃងបញ្ជាក់ប្រាប់អ្នកយកព័ត៌មានថា យើងពិតជាមានបំណងសុំទោសពីសំណាក់អ្នកប្រើប្រាស់ដែលបាន ទន្ទឹងរង់ចាំទិញទូរស័ព្ទ iPhone 4 ពណ៌ស។ យើងនឹងចេញលក់ក្នុងពេលឆាប់ៗនេះ ប្រសិនបើមិនមានការផ្លាស់ប្តូរនោះទេ។ គួររំលឹកបញ្ជាក់ថា ទូរស័ព្ទ iPhone គឺបានទាក់ទាញអ្នកប្រើប្រាស់យ៉ាងខ្លាំងនៅជុំវិញពិភពលោក៕
ជាការពិតណាស់ ការជ្រើសរើសយករបស់អ្វីមួយច្រើនមានការលំបាក ព្រោះយើងគ្រប់ៗគ្នាតែងតែគិតគូរដល់តម្លៃ និងគុណភាពរបស់វា។ នៅលើទីផ្សារសំបូរទៅដោយប្រភេទនៃផលិតផល ហើយបើកាលណាអ្នកពុំទាន់យល់ដឹងអំពីផលិតផលនីមួយៗ ឲ្យបានច្បាស់នោះទេ ងាយណាស់ដែលអ្នកមានអារម្មណ៍ស្តាយក្រោយ។ ខាងក្រោមនេះគឺជាការបង្ហាញប្រភេទម៉ាស៊ីនស្គេនបីប្រភេទដែល អ្នកគប្បីធ្វើការស្វែងយល់ មុននឹងជ្រើសរើសទិញយកទៅប្រើប្រាស់។
- ប្រភទទីមួយៈ Flatbed Scanner ជាប្រភេទម៉ាស៊ីនស្គេនរូបភាព ដែលគេនិយមប្រើច្រើនជាងគេនៅការិយាល័យ និងខាងផ្នែកបោះពុម្ព ដែលមានតម្រូវការស្គេនរូបភាពពាណិជ្ជកម្ម និងអត្ថបទច្រើន។
អានបន្ត... 
រូបភាពីហ្គូហ្គល
Mozilla គឺជាកម្មវិធីសម្រាប់បើកវិបសៃថ៍មួយក្នុងចំណោមកម្មវិធីដទៃទៀត ដ៏មានប្រជាប្រិយភាពនាពេលបច្ចុប្បន្ន ហើយនៅថ្ងៃនេះ Mozilla បានប្រកាសពីការត្រៀមរួចជាស្រេចដើម្បីដំណើរសាលាមួយ School of Webcraft សហការជាមួយសាកលវិទ្យាល័យ Peer 2 Peer ដែលនឹងផ្តល់ឲ្យអ្នកបានសិក្សាដោយឥតបង់ថ្លៃ ១០០% សម្រាប់ Developer ទាំងឡាយដែលប្រាថ្នានូវធនធានបណ្តុះបណ្តាលមួយដ៏ល្អប្រសើរ។ គេនៅចាំបានថា កាលពីឆមាសមុននេះ សាលា Webcraft បើក ១៥ ថ្នាក់រៀន ហើយឥឡូវនេះ Mozilla នឹងផ្តល់វគ្គបណ្តុះបន្តទៀតនូវថ្នាក់រៀនប្រមាណជាង ៣០ នៅក្នុងខែ មករា ឆ្នាំ ២០១១ ខាងមុខ។ ថ្នាក់រៀននេះនឹងមានរយៈពេលរវាងពី ៦ ទៅ ១០ សប្តាហ៍ ដោយផ្តោតទៅលើប្រធានបទ Web Designer និង Developers រាប់បញ្ចូលទាំង HTML5, JavaScripts និង CSS។ សម្រាប់ការចុះឈ្មោះ នឹងចាប់ប្រព្រឹត្តិទៅនៅថ្ងៃទី ៨ ខែ មករាខាងមុខនេះ៕
Nokia
យោង តាមសេចក្តីប្រកាសមួយកាលពីថ្ងៃទី ២១ ខែ តុលានេះបានឲ្យដឹងថា ក្រុមហ៊ុន Nokia នឹងបញ្ឈប់បុគ្គលិកយ៉ាងហោចណាស់ ១៨០០ នាក់ដោយសារតែប្រាក់ចំណេញក្នុងត្រីមាសទី ៣ មានការធ្លាក់ចុះ។ ការកាត់បញ្ឈប់បុគ្គលិកនេះ ត្រូវគេមើលឃើញចំពេលដែលក្រុមហ៊ុនទើបតែតែងតាំងនាយកប្រតិ បត្តិថ្មី លោក Stephen Elop។ ក្រុមហ៊ុន Nokia គឺជាក្រុមហ៊ុនផលិតទូរស័ព្ទដៃដ៏ធំក្នុងពិភពលោក ហើយនាពេលថ្មីៗនេះមានសេចក្តីរាយការណ៍ឲ្យដឹងពីការបាត់បង់ ប្រាក់ចំណេញក្នុងត្រីមាសទី ៣នេះរហូតដល់ ៥២៩ លានអឺរ៉ូ ឬប្រហែលជា ៧៣៣ លានដុល្លារ។ ស្របពេលជាមួយគ្នានេះដែរ ក្រុមហ៊ុនក៏បានឲ្យដឹងផងដែរថា ការបញ្ឈប់បុគ្គលិកនេះគឺដើម្បីរៀបចំរចនាសម្ព័ន្ធថ្មី និងការរៀបចំអភិវឌ្ឍន៍ប្រព័ន្ធ Symbian smart និងដោយសារតែការព្យាយាមទប់នឹងការប្រកួតប្រជែងពីApple's iPhone, Research In Motion’s Blackberry និង Google’s Inc.’s Android Software។ បច្ចុប្បន្នក្រុមហ៊ុន Nokia មានបុគ្គលិកប្រមាណ ១៣១,៥០០នាក់ (គិតត្រឹមថ្ងៃទី ៣០ ខែ កញ្ញា ឆ្នាំ ២០១០)៕
ប្រសិនបើប្រិយមិត្តអ្នកអានវិបសៃថ៍ខ្មែរសារិកាទាំងអស់ ធ្លាប់តែប្រើប្រាស់កណ្តុរ (Mouse) ដើម្បីបញ្ជានៅពេលប្រើប្រាស់កុំព្យូទ័រម្តងៗ ឥលូវអ្នកអាចប្រើចង្អុលដៃ ឬភត្រ្តារបស់របស់អ្នកបង្វិលចុះបង្វិលឡើងក៏បានដែរ តាមរយៈការប្រើប្រាស់កម្មវិធីបន្ថែម។ ដើម្បីជ្រាបកាន់តែច្បាស់ សូមទស្សនានូវវីដេអូដូចខាងក្រោម៖
យោងតាមការស្ទាបស្ទង់មួយបានឲ្យដឹងថា ក្មេងជំទង់ចូលចិត្តសរសេរសារជាអក្សរ (text messages) ក្នុងការឆ្លើយជាមួយក្រុមគ្រួសារ មិត្តភក្តិច្រើនជាង ៦ សារក្នុងមួយក្នុងមួយម៉ោង ឬមុនពេលភ្ញាក់ពីដំណេក ស្របពេលដែលចំនួននាទីជាមធ្យមដែលក្មេងជំទង់ចំណាយពេលសន្ទនា គ្នាតាមទូរស័ព្ទគឺបានធ្លាក់ចុះ។ ហេតុអ្វី? ពីព្រោះតែសារជាអក្សរអាចផ្ញើ និងទទួលបានឆាប់រហ័ស និងមានភាពងាយស្រួលជាងការហៅទូរស័ព្ទ (voice call)។
អានបន្ត... 
Taxi គ្មានអ្នកបើកបរ
ក្រុម អ្នកស្រាវជ្រាវនៅសាកលវិទ្យាល័យ Freie University នៃប្រទេសអាឡឺម៉ង់បានធ្វើអោយពិភពលោកភ្ញាក់ផ្អើល ដោយសារបច្ចេកវិទ្យាថ្មីរបស់ខ្លួន។ ពួកគេអាចបង្កើតសេវា Taxi ដោយគ្មានអ្នកបើកបរបាន ដោយគ្រាន់តែប្រើប្រាស់កម្មវិធីក្នុង iPad ឬ iPhone។ គួរចងចាំផងដែរថា Google ក៏កំពុងមមាញឹកក្នុងបង្កើតរថយន្តគ្មានមនុស្សបើកបរនេះដែរ។ គិតទៅមនុស្សយើង បន្តិចទៀតកាន់ស្រួលខ្លួនទៅហើយ ប្រហែលអនាគតទៅយើងមិនបាច់ត្រូវរៀនអ្វីច្រើនទេមើលទៅ ព្រោះគេបច្ចេកវិទ្យាជួយសំរួលអស់ហើយ។ សូមទស្សនាវីដេអូខាងក្រោមនេះ អំពីតាក់ស៊ីគ្មានអ្នកបើកបរ៖
អានបន្ត... នៅថ្ងៃនេះបណ្តាញផ្សាយព័ត៌មាន AP រាយការណ៍ឲ្យដឹងថា ក្រុមហ៊ុន Yahoo សម្រេចបិទនូវសេវាមួយចំនួន បន្ទាប់មានការកាត់បន្ថយបុគ្គលិកប្រមាណជាង ៦០០នាក់ ឬប្រហែលជា ៤ ភាគរយនៃកម្លាំងការងារក្នុងសប្តាហ៍នេះ។ បើយោងតាមសេចក្តីថ្លែងការណ៍មួយដែលបានចេញផ្សាយ ក្រុមហ៊ុន Yahoo ដែលមានមូលដ្ឋាននៅ Sunnyvale រដ្ឋកាលីហ្វ័រញ៉ាបញ្ជាក់ថា សេវាកម្មមួយចំនួនដែលមានអតិថិជនកំពុងតែប្រើប្រាស់នឹងឈប់ ដំណើរការ។ សេវាកម្មរបស់ Yahoo ”Sunset” រាប់បញ្ចូលទាំង MyBlogLog, Yahoo Buzz, Yahoo Picks និង Yahoo Bookmarks៕
ភ្នាក់ ងារ Reuters ប្រចាំទីក្រុងតូក្យូបានរាយការណ៍ឲ្យដឹងថា ក្រុមហ៊ុនជប៉ុន DeNA Co នឹងទិញយកសាជីវកម្ម ngmoco ជាក្រុមហ៊ុនផលិតហ្គេមដ៏ធំមួយរបស់សហរដ្ឋអាមេរិក ដែលហ្គេមនេះដំណើរនៅលើ iPhone និង iPad ក្នុងតម្លៃ ៤០៣ លានដុល្លារ។ ក្រុមហ៊ុន DeNA ដែលជាអ្នកប្រតិបត្តិនូវហ្គេមសម្រាប់ទូរស័ព្ទដៃ និងកុំព្យូទ័រដ៏មានប្រជាប្រិយមួយ ជាមួយនិងអ្នកប្រើប្រាស់ប្រមាណជាង ២០ លាននាក់ក្នុងប្រទេសជប៉ុន។ គួររំលឹកផងដែរថា កាលពីកាលមុនក្រុមហ៊ុនមួយនេះក៏បានទិញយកក្រុមហ៊ុន Gameview Studio ដែលជាក្រុមហ៊ុនផលិតហ្គេមក្នុងសហរដ្ឋអាមេរិក ព្រមទាំងទិញហ៊ុនមួយចំនួនរបស់ក្រុមហ៊ុនផលិតហ្គេម Astro Ape Studios ផងដែរ៕
អានបន្ត... 