សុខភាព និងសម្រស់

បរិភោគសត្វល្អិតអាចជួយអោយមានអាយុវែង

សុភ័ទ្ធ

ចង្រិតលីង

យោង តាមការស្រាវជ្រាវរបស់ជនជាតិហូឡង់កាលពីពេលថ្មីៗនេះបានអោយដឹង ថា ការបិរភោគសត្វល្អិតអាចជួយអោយមនុស្សយើងមានអាយុវែង ដោយសារសត្វល្អិតសម្បូរទៅដោយប្រូតេអុីន និងមានសារជាតិចិញ្ចឹមខ្ពស់ ជាពិសេសសំរាប់មនុស្សចាស់ និងកុមារ។ គេបានរកឃើញថា ប្រូតេអុីនដែលមាននៅក្នុងសត្វល្អិតមានបរិមាណច្រើនជាងជាតិ ប្រូតេអុីនដែលមាននៅក្នុងសាច់។ ដូចេ្នះយើងអាចហូបសត្វល្អិតបាន ទោះបីជាវាមានរសជាតិមិនសូវឆ្ងាញ់ដូចសាច់ ឬបន្លែផ្លែឈើក្តី (សាកចង្រិតលីងញាត់សណ្តែកដីនៅស្រុកខ្មែរលមើល តើឆ្ងាញ់អត់)។ របកគំហើញនេះ អាចអោយមនុស្សចាប់ផ្តើមងាកមកបរិភោគសត្វល្អិតជំនួសអោយសាច់សត្វ ផ្សេងៗបានក្នុងពេលអនាគត (ស្រុកខ្មែរយើង គេនិយមហូបសត្វល្អិតយូរហើយ ជាពិសេសចង្រិត កណ្តូប កន្ទេសឡង់ ជាដើម)។

អ្នកបំបៅដោះកូននឹងកើតជំងឺទឹកនោមផ្អែមទាបជាង.

ហេង សុភា សុខភាព និងសម្រស់

រូបភាពពីហ្គូហ្គល

យោងតាម ការសិក្សាជ្រាវជ្រាវមួយបានបង្ហាញថា ម្តាយដែលមិនបានបំបៅដោះកូនទំនងជាប្រឈមការវិវត្តន៍នៃជម្ងឺ ទឹកនោមផ្អែមប្រភេទទី២ចំនួនទ្វេដងក្នុងជីវិតនាពេលអនាគត។ ក្រុមអ្នកវិទ្យាសាស្ត្រផ្នែកសុខភាពនិយាយថា ការបំបៅដោះជួយកាត់បន្ថយការធាត់ដែលនៅជុំវិញពោះបន្ទាប់ពីមាន ផ្ទៃពោះ។ ពួកគេជឿថាអត្រានៃការបំបៅដោះកូនដែលកំពុងធ្លាក់ចុះនៅបណ្តា ប្រទេសបស្ចិមប្រទេសនោះ អាចនាំអោយមានការកើនឡើងយ៉ាងឆាប់រហ័សនៃជម្ងឺទឹកនោមផ្អែមប្រភេទទី២ ក្នុងចំណោមស្ត្រីវ័យកណ្តាល។ ការរកឃើញនេះដែលត្រូវបានសិក្សាស្រាវជ្រាវលើស្ត្រីក្នុងវ័យពី ៤០ទៅ៧៨ឆ្នាំចំនួន២.២៣៣នាក់ ត្រូវបានផ្សព្វផ្សាយកាលពីថ្ងៃសុក្រក្នុងទស្សនាវដ្តីពេទ្យអាមេរិក “American Journal of Medicine”។ ការសិក្សានេះបានបង្ហាញថា ១ភាគ៤នៃម្តាយដែលមិនបានបំបៅដោះកូននោះប្រឈមការវិវត្តន៍នៃជម្ងឺ ទឹកនោមផ្អែមប្រភេទទី២នេះ។ តាមការសិក្សាស្រាវជ្រាវកាលពីពេលមុនៗដោយក្រុមអ្នកស្រាវជ្រាវ អាមេរិកក៏បានរកឃើញផងដែរថាការបំបៅដោះកូនអាចជួយការពារម្តាយពី ជម្ងឺគាំងបេះដូងនិងជម្ងឺដាច់សរសៃឈាមក្នុងខួរក្បាលនៅវ័យចំណាស់ របស់ពួកគេ។

របៀបថែរក្សាបបូរមមាត់ស្ងួតការពារស្នាមប្រេះ

ហេង សុភា សុខភាព និងសម្រស់

រូបភាពពីហ្គូហ្គល

អ្នក ដែលមានបញ្ហាបបូរមាត់ស្ងួតស្នាមប្រេះមិនរបកស្បែក មាត់អ្នកនោះពិតជាមានបញ្ហាខាងសុខភាពមិនខាង។ខាងក្រោម នេះជាវិធី សាស្រ្តមួយចំនួនសំរាប់ធ្វើការការពារ៖

ត្រូវពិសាទឹកឲ្យបានច្រើន : ជាមធ្យមក្នុងមួយថ្ងៃអ្នកត្រូវ ពិសាទឹកឲ្យបានពី៦ទៅ៨កែវ ដើម្បីការពារការកើតអាការក្តៅក្នុងប្រសិនបើអ្នកក្តៅក្នុង នឹងធ្វើឲ្យមាត់ស្ងួតឬប្រេះរបក ស្បែកចេញយ៉ាងងាយ ។
ហាមប្រើអណ្តាតលិទ្ធបបូរមាត់ : ការយកអណ្តាតទៅលិទ្ធបបូរមាត់កាន់តែធ្វើឲ្យបបូរ មាត់ស្ងួត និង ធ្វើឲ្យមានស្នាមប្រេះច្រើន ។
មុនពេលចូលគេងគួរលាបក្រែមប្រេងជាប្រចាំ : ក្រែមលាបបបូរមាត់មានជាតិប្រេងជួយ បង្កើននូវសំណើម និង ការពារស្បែកលើបបូរមាត់កុំឲ្យប្រេះបែក ។ ដូចនេះការលាបក្រែម លើបបូរមាត់ គឺជាសកម្មភាពដ៏ល្អមួយដែលមនុស្សទូទៅគួរតែអនុវត្តតាម ជាពិសេសចំពោះ ស្រ្តីដែលចង់ធ្វើការថែសម្ផស្សបបូរមាត់ឲ្យល្អជាប្រចាំ ។
ហាមកេះក្រម៉រស្បែកលើបបូរមាត់។
ប្រសិនបើបបូរមាត់អ្នកមានដំបៅលោកអ្នកមិនគួរយកដៃទៅកេះយក ក្រម រនៅលើស្នាម ដំបៅនោះជាដាច់ខាត ពីព្រោះបើដៃរបស់អ្នកមិនស្អាតនឹងធ្វើឲ្យដំបៅក្លាយមិនខាន ។
ក្នុងពេលមានបញ្ហាមាត់ប្រេះបែក : ក្រោយពីដុសធ្មេញរួច ក្នុងខណៈពេលបបូរមាត់អ្នក នៅមានសំណើម ត្រូវប្រើច្រាសដុសធ្មេញដុសសើរៗនៅបបូរមាត់ខាងលើ និងខាងក្រោម ដើម្បីឲ្យក្រមរជ្រុះចេញ រួចហើយប្រើក្រែមប្រេងលាបការពារកុំឲ្យបបូរមាត់ស្ងួត៕
ប្រភពពី Kqube.com

គ្រោះថ្នាក់ជាយថាហេតុនៃការប្រើប្រាស់ទូរស័ព្ទដៃ

ហេង សុភា សុខភាព និងសម្រស់

រូបភាពពីហ្គូហ្គល

កុមារ ក្រោមអាយុ ១២ឆ្នាំមិនត្រូវប្រើទូរស័ព្ទដៃទេ ! នេះជាសេចក្តីអំពាវនាវរបស់ លោកសាស្ត្រា ចារ្យ David Servan-Schreiber និង ក្រុមគ្រូពេទ្យចំនួន ១៩នាក់ ផ្សេងទៀត ដែលភាគច្រើនមានឯកទេសផ្នែកជំងឺមហារីក។ អ្នកវិទ្យាសាស្ត្រទាំងនេះ បានចុះហត្ថលេខាព្រមព្រៀង ផ្សព្វផ្សាយជាសាធារណៈ សេចក្តីប្រកាសមួយ ស្តីពីគ្រោះថ្នាក់ជាយថាហេតុនៃការប្រើប្រាស់ទូរស័ព្ទដៃ។ តើទូរស័ព្ទដៃពិតជាអាចបង្កគ្រោះថ្នាក់ដល់សុខភាពកុមារ និង ជនទូទៅ ដល់កំរិតណា ? តើត្រូវធ្វើដូចម្តេចទើបអាចចៀសវាងបាន ឬត្រូវឈប់ប្រើ ទូរស័ព្ទដៃ ? ឈឺក្បាល ធ្ងន់ត្រចៀក ចាក់ស្កៀបរមាស់លើស្បែក នៅពេលកំពុងប្រើទូរស័ព្ទ តើមកពីមូលហេតុអ្វី ? ឬក៏មកពីមូលខាំមិនដឹងពេលយើងរវល់និយាយ ?! ញាក់ត្របកភ្នែក ខាងស្តាំ ឬខាងឆ្វេង ខាងស៊យ ខាងណាហេង ?! នៅក្មេងនៅឡើយតែឆាប់ ភ្លេចភ្លាំងជាងមនុស្សចាស់សម័យមុន ឆាប់បាត់បង់ការប្រមូលផ្តុំអារម្មណ៍ ឬ ហឹងត្រចៀក ។ល។ និង ។ល។ មិនមែនចៃដន្យទេ ! អាការៈដែលនាងខ្ញុំរៀបរាប់ អំបាញ់មិញនេះ គឺអាចជាឥទ្ធិពលខ្លះដែលបង្កឡើងដោយសារទូរស័ព្ទ។ ទំនងជានៅមានគ្រោះថ្នាក់ខ្លាំង និង ធ្ងន់ធ្ងរជាងនេះទៀត។ បណ្តាជនទូទៅត្រូវយល់ថា ការប្រើប្រាស់ទូរស័ព្ទដៃប្រាកដជាបង្កឲ្យមានផលវិបាកអ្វីមួយទៅ ថ្ងៃក្រោយមិនខានឡើយ ! នេះ ជាសារដ៏សំខាន់មួយដែលលោកសាស្ត្រាចារ្យ David Servan-Schreiber ចង់ឲ្យប្រិយមិត្តចងចាំ។ លោកសាស្ត្រាចារ្យ និង លោកវេជ្ជបណ្ឌិត Thierry Bouilletព្រមទាំងក្រុមគ្រូពេទ្យមួយចំនួនធំមានឯកទេសផ្នែកជំងឺ មហារីក បានចុះហត្ថលេខាព្រមគ្នា ចេញសេចក្តីប្រកាសអំពាវនាវមួយឲ្យធ្វើការប្រុងប្រយ័ត្ននឹង គ្រោះថ្នាក់ជាយថាហេតុ នៃការប្រើប្រាស់ទូរស័ព្ទដៃ។ ក្នុងពេល រង់ចាំសេចក្តីសន្និដ្ឋានសរុបចុងក្រោយស្តីពីគ្រោះថ្នាក់របស់ ទូរស័ព្ទដៃ ក្រុមគ្រូពេទ្យហត្ថលេខីនៃសេចក្តីអំពាវនាវនេះ បានលើកឡើង ពីគ្រោះថ្នាក់ដ៏ធំធេងរបស់ទូរស័ព្ទដៃ ជាពិសេសចំពោះកុមារដែលមានអាយុក្រោម ១២ ឆ្នាំ និងបានចេញវិធានការណែនាំជាមួយផង។

ចំពោះក្រសួងសុខាភិបាល បារាំង រហូតមកទល់ពេលនេះ ម៉ោងនេះ ពុំទាន់មាន ភស្តុតាងវិទ្យា សាស្ត្រណាមួយបញ្ជាក់ពីគ្រោះថ្នាក់ធំដុំគួរឲ្យកត់ សំគាល់ទេ។ ប៉ុន្តែ សំរាប់ក្រុមអ្នកស្រាវជ្រាវ ដែលសុទ្ធសឹងជាគ្រូពេទ្យឯកទេសជំងឺមហារីក មានលោកសាស្ត្រាចារ្យ David Servan-Schreiber ជាសាស្ត្រាចារ្យវេជ្ជសាស្ត្រ ផ្នែកផ្លូវចិត្ត ជាអ្នកផ្តើមគំនិត បានគូសបញ្ជាក់ថា មានភស្តុតាងវិទ្យាសាស្ត្រច្រើនគ្រប់គ្រាន់គួរឲ្យព្រួយបារម្ភ ស្តីពីគ្រោះថ្នាក់ នៃការប្រើប្រាស់ទូរស័ព្ទដៃ។ ហើយគ្រោះថ្នាក់នោះសោតជាគ្រោះថ្នាក់ធ្ងន់ធ្ងរបំផុត ដែលយើងមិនគួរបណ្តែតណ្តោយឡើយ។ លោកសាស្ត្រាចារ្យ បានធានាអះអាងថា អ្វីដែលលោកលើកឡើងទាំងអំបាលមានមិន មែនក្នុងន័យបង្អាប់បណ្តុះ ក្រុមហ៊ុនផលិតទូរស័ព្ទឡើយ តែជាការជួយជំរុញលើកទឹកចិត្តឲ្យអភិវឌ្ឍការផលិតទូរស័ព្ទថ្មីៗទៀត ប្រកបដោយសុវត្ថិភាពខ្ពស់សំរាប់សុខភាពសាធាណៈ ហើយលោកក៏មិនប្រឆាំងនឹងការប្រើប្រាស់ទូរស័ព្ទដែរ រូបលោកផ្ទាល់ក៏ប្រើទូរស័ព្ទ និងព្រមទាំងមានជំងឺមហារីកខួរក្បាលជាប់ខ្លួនផង តែការប្រើប្រាស់ទូរស័ព្ទដៃ ពិតជាអាចបង្កគ្រោះថ្នាក់សុខភាព ហើយយើងអាចរកមធ្យោបាយការពារបាន។ នេះបើតាមការអះអាងរបស់លោកសាស្ត្រាចារ្យ David Servan-Schreiber ដដែល។

ជាច្រើនឆ្នាំមកហើយដែលចំណោទជុំវិញសុវត្ថិភាព និង គ្រោះថ្នាក់នៃការប្រើប្រាស់ទូរស័ព្ទដៃបានក្លាយជាកង្វល់ធំមួយ របស់អ្នកស្រាវជ្រាវ និងក្រុមអ្នកវេជ្ជសាស្ត្រ។ តើទូរស័ព្ទដៃពិតជាមានគ្រោះថ្នាក់ដល់សុខភាពមែនឬ ? កាលពីឆ្នាំ ២០០០ អ្នកស្រាវជ្រាវបានរកឃើញថាការប្រើប្រាស់ប្រព័ន្ធបច្ចេកវិទ្យាចាប់ រលកសម្លេងទំនងជាបង្កគ្រោះថ្នាក់ផ្ទាល់ដល់ខួរក្បាល។ ប្រសិនបើនិយាយទូរស័ព្ទដៃយូរ ជាប់រយៈពេលប្រមាណ២០នាទីជាប់ឥតឈប់ នោះនឹងធ្វើឲ្យផ្នែកខាងក្រៅត្រចៀកឡើងសីតុណ្ហភាព។ ដូច្នេះសំរាប់អ្នកឯកទេសជាច្រើន នៅពេលប្រើប្រាស់ទូរស័ព្ទដៃនេះយូរៗទៅ អាដេអិន របស់កោសិកាខួរក្បាល នឹងចុះទន់ខ្យោយ ខូចខាតរហូតបង្កទីជាដុំសាច់ប្រភេទមហារីក។ ការសិក្សាដែល មានពីមុនៗមក ពុំគ្រប់គ្រាន់សំរាប់សរុបសេចក្តីថា ទូរស័ព្ទដៃពិតជាមូលហេតុចំបងនៃគ្រោះកើតដុំសាច់ប្រភេទមហារីក និងធ្វើឲ្យខូចសុខភាពឡើយ ប៉ុន្តែការសិក្សាចុងក្រោយវិភាគឃើញថា នៅពេលកំពុងនិយាយទាក់ទងគ្នា ដែនម៉ាញេទិញដែលទូរស័ព្ទដៃបញ្ចេញនោះ អាចជ្រាបចូលទៅក្នុងខ្លួនមនុស្សដោយពិតជាក់ស្តែង ទោះជាដែនម៉ាញេទិច មានកំរិតស្របនឹងបទដ្ឋានសំរាប់រក្សាសុវត្ថិភាពក៏ដោយ។ ដែនម៉ាញេទិច ជ្រាបចូលក្នុងខួរក្បាល ធ្វើឲ្យមានការសំយោគចេញជាប្រូតេអ៊ីនច្រើន បង្កបង្កើតឲ្យមានstress។ ដែនម៉ាញេទិចអាចជ្រាបចូលក្នុងខ្លួនមនុស្សជាពិសេសត្រង់ខួរក្បាល ដូច្នេះហើយបានជាកុមារអាចទទួលរងគ្រោះខ្លាំងជាងមនុស្សចាស់ ព្រោះខួរក្បាលកុមារមានទំហំតូចនៅឡើយ។

ការប្រើប្រាស់ ទូរស័ព្ទដៃ អាចជួយជំរុញឲ្យមានជាដុំសាច់ -ដុំសាច់របស់ស្រោមសសៃប្រសាទវិវត្តិយូរៗទៅ ទៅជាមហារីក និងជំរុញឲ្យមានជំងឺមហារីកខួរក្បាលជាពិសេសនៅផ្នែកខាងត្រចៀក ស្តាប់ទូរស័ព្ទច្រើន។ បើតាមអ្នកស្រាវជ្រាវជនជាតិ ស៊ុយអែត គ្រោះកើតដុំសាច់ប្រភេទមហារីក នៅផ្នែក ខាងដាក់ទូរស័ព្ទស្តាប់ឡើងគុណទ្វេជាពីរក្នុងរយៈពេលនៃការ ប្រើប្រាស់ទូរស័ព្ទតែ ១០ឆ្នាំប៉ុណ្ណោះ។ អ្នកស្រាវជ្រាវអាមេរិកបានបន្ថែមទៀតថា កុមារអាចនឹងជួបគ្រោះកើតជំងឺមហារីកឈាម ដោយសារការកើនឡើងនៃចំនួនគ្រាប់ឈាមស។

ដូច្នេះក្នុងពេលដែល ការសិក្សាស្រាវជ្រាវបានពុំទាន់អាចជូនលទ្ធផលជាក់ស្តែងជាផ្លូវ ការ លោកសាស្ត្រាចារ្យសូមណែនាំដល់ឪពុកម្តាយព្រមទាំងអ្នកប្រើប្រាស់ ទាំងឡាយឲ្យប្រុងប្រយ័ត្ន និងអនុវត្តតាមការណែនាំខាងក្រោម ដើម្បីការពារសុខភាពសំរាប់ថ្ងៃអនាគត។

លោកសាស្ត្រាចារ្យ និង ក្រុមហត្ថលេខីនៃសេចក្តីអំពាវនាវស្តីពីគ្រោះថ្នាក់នៃ ទូរស័ព្ទដៃ សូមផ្តល់ដំបូន្មានដល់អ្នកប្រើប្រាស់ទូរស័ព្ទដៃទាំងអស់ ឲ្យគោរពតាមវិធានការការពារសំខាន់ៗទាំង ឡាយ សំរាប់មនុស្សពេញវ័យ និង សំរាប់កុមាររួមមាន ៖

- មិនត្រូវអនុញ្ញាតឲ្យកុមារអាយុក្រោម ១២ ឆ្នាំនិយាយទូរស័ព្ទដៃទេ លើកលែងតែករណីបន្ទាន់ខ្លាំង ឬ រហូតដល់អាយុ១៥ឆ្នាំរឹតតែប្រសើរ។

និយាយ ទូរស័ព្ទដៃ ដាក់ជាប់ត្រចៀក គួរតែមានរយៈពេលខ្លី។ បីនាទីយ៉ាងយូរបំផុត។ ហើយសាកល្បងដាក់ទូរស័ព្ទឲ្យឆ្ងាយពីត្រចៀក-បានកាន់តែឆ្ងាយកាន់តែ ប្រសើរ ឬពុំដូច្នោះទេ បើកសម្លេងឲ្យឮខ្លាំង ឬប្រើប្រដាប់ស្តាប់ពាក់នៅនឹងត្រចៀក និងត្រូវប្តូរត្រចៀកស្តាប់ឲ្យបានញឹក ញាប់។

- គួរចៀសវាងកុំប្រើទូរស័ព្ទនៅពេលជិះឡាន ជិះមូតូ ក្នុងរទេះភ្លើង ឬ ដើរបណ្តើរនិយាយបណ្តើរ នៅទីកន្លែងប្រជុំជន មានសម្លេង និងចរាចរណ៍ច្រើន កន្លែងដែលអាចមានដែនម៉ាញេទិចជុំវិញខ្លួន។

- លោកស្រី Catherine Gouhier បានចូលរួមចំនែកជាមួយលោកសាស្ត្រាចារ្យ David Servan-Schreiber ដោយពន្យល់ថា តោងកុំដាក់ទូរស័ព្ទជាប់នឹងខ្លួនអី។ ចំពោះបុរសបើដាក់ទូរស័ព្ទនៅហោបៅខោមុខ បុរសនោះអាចនឹងជួបជំងឺអត់កូន និងមិនត្រូវដាក់នៅជិតបេះដូងទេ។

- ដំបូន្មានចុងក្រោយ ដែលលោកសាស្ត្រាចារ្យសូមផ្តែផ្តាំ សូមកុំចុចបញ្ជូនភ្លាម លើកដាក់ផ្អិបនឹងត្រចៀកស្តាប់ភ្លាម ពោលគឺត្រូវរង់ចាំ ដៃគូសន្ទនាលើក « អាឡូ »សិន សឹមយកមកដាក់ក្បែរត្រចៀកស្តាប់ និងនិយាយ។

ដោយ អៀង សុខមិញ
ដកស្រង់ចេញពី ៖ http://www.khmer.rfi.fr

ថ្នាំមហារីកដោះអាចគ្រោះថ្នាក់ដល់ជំងឺបេះដូង

ហេង សុភា

រូបភាពពីហ្គូហ្គល

យោង តាមការស្រាវជ្រាវថ្មីមួយ បានឲ្យដឹងថា អ្នកជំងឺមហារីកដោះ ដែលប្រើប្រាស់ថ្នាំប្រភេទaromatase inhibitors ក្រោយពីការវះកាត់ អាចធ្វើឲ្យរងគ្រោះថ្នាក់ពីជំងឺបេះដូង។ តាមការវិភាគលើអ្នកជំងឺមហារីកដោះចំនួន ២៩ ០០០ នាក់ បង្ហាញថា ជំងឺបេះដូង បានកើនឡើង ២០ ភាគរយចំពោះស្ត្រី ដែលប្រើប្រាស់ថ្នាំ aromatase inhibitor (AI) ធៀបទៅនឹងការប្រើប្រាស់ថ្នាំ tamoxifen។ វេជ្ជៈបណ្ឌិត Eitan Amir បាននិយាយថា កាលពីមុន ក៏ធ្លាប់មានការបញ្ជាក់ថា វាមានទំនាក់ទំនងគ្នារវាងថ្នាំ AIs និង ជំងឺបេះដូងដែរ តែនៅពេលនេះ យើងមានទិន្នន័យច្រើនជាងមុន និងមានការតាមដានយូរជាងមុន។ ការកើតឡើងនេះ ដោយសារការប្រើ AIs បណ្តាលឲ្យមានការកើនឡើងនូវ Cholesterol នៅក្នុងសរសៃឈាម ដែលជាហេតុធ្វើឲ្យកំរិតគ្រោះថ្នាក់មានការកើនឡើង៕

ប្រទាលកន្ទុយក្រពើព្យាបាលរដូវមិនទៀង

ហេង សុភា

aloe vera lim

ក្រៅ ពីការព្យាបាលជំងឺដង្កាត់ផ្សេងៗ តាមការប្រើប្រាស់ឱសថ ឬថ្នាំផ្សំពីរុក្ខជាតិ ប្រទាលកន្ទុយក្រពើក៏ត្រូវបានគេយកមកព្យាបាលនូវជំងឺជា ច្រើនដែលអ្នកមិនដែលនឹកស្មានដល់។ បើតាមវិបសៃថ៍ Wikepedia រាយការណ៍ថា ប្រទាលកន្ទុយក្រពើ មានឈ្មោះអក្សរឡាតាំង Aloe Vera Lim ឈ្មោះបារាំង Aloé ឈ្មោះជាភាសាអង់គ្លេស Bardados Aloe និងស្ថិតក្នុងអំបូរ Liliaceae។ លក្ខណៈរុក្ខជាតិរបស់វា ជាប្រភេទប្រទាល ហើយមានស្លឹកក្រាស់គ្មានទង រាងដូចផ្លែលំពែង។ គេច្រើដាំដុះជាគ្រឿងលំអរ ឬក្នុងចំការជាទ្រង់ទ្រាយធំបែបឧស្សាហកម្ម។ គេអាចយកស្លឹកប្រទាលកន្ទុយក្រពើសម្រាប់ការព្យាបាលជំងឺលើសឈាម ឬប្រើជាថ្នាំបញ្ចុះជាតិខ្លាញ់ក្នុងឈាម មិនរំលាយអាហារ រោគទល់លាមក រដូវមិនទៀង ជំងឺភ្នែក និងត្រចៀក ថ្នាំប៉ូវកម្លាំង៕

អ្នកណាចង់បានសាច់ដុំពោះ ៦ ដាន់ខ្លះ?

សុភ័ទ្ធ សុខភាព និងសម្រស់

ខ្ញុំ ចូលទៅក្នុង Youtube ហើយក៏ឃើញវីដេអូអំពីវិធីហាត់ប្រាណ ដើម្បីអោយក្បាលពោះកាន់តែស្អាត មានសាច់ដុំ។ កាន់តែចាស់ ក្បាលពោះកាន់តែដុះ មិនដឹងជាវាមកពីណាទេ ថាមកពីផឹកបៀរក៏ដូចជាមិនមែនទេ ព្រោះយ៉ាងច្រើនណាស់បាន ២ កំប៉ុង យ៉ងៗម៉ាឌូជាមួយពួកម៉ាក ឬនៅរោងការ។ ឃើញថាវីដេអូនេះមានប្រយោជន៍ ក៏យកវាមកផ្សាយចែកចាយជូនប្រិយមិត្ត ហើយបើមានប្រិយមិត្តណាអនុវត្តទៅបានផល សូមជួយប្រាប់ផង។ របៀបហាត់ប្រាណនៅក្នុងវីដេអូនេះងាយនឹងធ្វើតាមណាស់ ដោយលោកអ្នកគ្រាន់តែចំណាយពេល ៦ នាទីរៀងរាល់ថ្ងៃ ជាមួយសាឡុងនៅឯផ្ទះជាការស្រេច។
ហើយនេះជាវីដេអូផ្សេងទៀត ប្រហែលជាអាចមានប្រសិទ្ធភាពដូចគ្នា៖

កម្តៅថ្ងៃបង្កើនកម្រិតវីតាមីន D

ហេង សុភា

ការដែលស្បែកយើងត្រូវកម្តៅថ្ងៃចំពេលកំពុងក្តៅខ្លាំងដោយមិន មានការប្រើក្រែមការពារស្បែក ឬឡេការពារស្បែក គឺជាល្អសម្រាប់ខ្លួនយើង នេះបើតាមដំបូន្មានរបស់ក្រុមអ្នកជំនាញបានប្រាប់ការផ្សាយ របស់វិបសៃថ៍ Telegraph ចេញផ្សាយកាលពីថ្ងៃពុធនេះ។ ក្រុមជំនាញនេះបានឲ្យដឹងថា ការសំដិលខ្លួនឲ្យត្រូវពន្លឺថ្ងៃពី ១០ ទៅ ១៥ នាទី នឹងជួយបង្កើនកម្រិតវីតាមីន D។ ចំណែកឯក្រុមអ្នកវិទ្យាសាស្ត្រក៏បានលើកឡើងថា កង្វះខាតវីតាមីន D វានឹងបណ្តាលឲ្យអ្នកកើតជំងឺសរសៃឈាមបេះដូង ជំងឺទឹកនោមផ្អែមប្រភេទ២ ព្រមទាំងជំងឺមហារីកជាច្រើនមុខ ក៏ជាធ្វើឲ្យមនុស្សពេញវ័យមានឆ្អឹងមិនរឹងមាំ៕

ទទួលទានទឹកឲ្យបានច្រើន អាចជួយបញ្ចុះទម្ងន់បាន

ហេង សុភា

រូបភាពពីហ្គូហ្គល

របាយ ការណ៍សុខភាពមួយដែលបានចេញផ្សាយកាលពីពេលថ្មីៗនេះនៅលើវិប សៃថ៍ CNN សរសេរថា របកគំហើញនៃការសិក្សាបង្ហាញពីការទទួលទានទឹកអាចជាវិធីសម្ងាត់ មួយក្នុងការបញ្ចុះទម្ងន់បានយ៉ាងមានប្រសិទិ្ធភាព។ អ្នកស្រាវជ្រាវស្នើដល់មនុស្សទាំងឡាយដែលប្រាថ្នាសម្រកទម្ងន់ អាចបំភ្លេចការលេបថ្នាំ ឬការតមអាហារ គឺគ្រាន់តែអ្នកទទួលទានទឹកក្នុងមួយថ្ងៃឲ្យបានយ៉ាងតិចជាង 2 កែវ មុនពេលអ្នកទទួលទានអាហារពេលព្រឹក អាហារថ្ងៃត្រង់ និងអាហារពេលល្ងាចអាចជួយឲ្យអ្នកបញ្ចុះទម្ងន់ និងរក្សារាងឲ្យកាន់តែស្វែលជាងមុនថែមទៀត។ នេះបើយោងតាមកិច្ចប្រជុំប្រចាំឆ្នាំនៃសង្គមពលរដ្ឋអាមេរិកាំង ក្នុងរដ្ឋ Boston។ លោកស្រីបណ្ឌិត Brenda Davy ជាអ្នកដឹកនាំការស្រាវជ្រាវនេះ និងជាសាស្ត្រាចារ្យផ្នែកអាហារូបត្ថម្ភ នៅឯ Virginia Tech និយាយថា ការទទួលទានទឹកមុនពេលអាហារពេលព្រឹក អាហារថ្ងៃត្រង់ និងអាហារពេលល្ងាច វាធ្វើឲ្យកាឡូរីដែលមាននៅក្នុងខ្លួនរបស់អ្នកទាប ដូច្នេះការទទួលទឹកអាចជួយបញ្ចុះទម្ងន់អ្នកបាន៕

គុណភាពទឹកកាមធ្លាក់ចុះពីព្រោះអាហារជាតិខ្លាញ់

ហេង សុភា សុខភាព និងសម្រស់

រូបភាពពីហ្គូហ្គល

លោក ស្រីវេជ្ជបណ្ឌិត Jill Attaman ជាអ្នកដឹកនាំការស្រាវជ្រាវបានបង្ហាញនូវរបកគំហើញថ្មីដោយ បានអះអាងថា បណ្តាបុរសដែលចិត្តចិត្តទទួលទានអាហារដែលមានជាតិខ្លាញ់ Saturated Fat ក៏ដូចជាខ្លាញ់ Monounsaturated Fat គឺជាមូលហេតុដែលបណ្តាលឲ្យការផលិតទឹកកាមចុះខ្សោយ។ ការអះអាងបែបនេះត្រូវបានគេចុះផ្សាយនៅលើវិបសៃថ៍ Health Day មួយកាលពីពេលថ្មីៗនេះ។ អ្នកស្រាវជ្រាវរូបនេះបានថ្លែងបញ្ជាក់ថា អាហារខ្លាញ់ Saturated Fat ត្រូវបានគេប្រទះឃើញមាននៅក្នុងសាច់ជ្រូកប្រឡាក់ សាច់ក្រក ភ្លៅជ្រូក ផលិតផលទឹកដោះគោ និងប័រ។ ដោយឡែកអាហារខ្លាញ់ Monounsaturated Fat វិញត្រូវបានគេរកឃើញមាននៅក្នុងសារធាតុរបស់ប្រេងអូលីវ។ លោកស្រីវេជ្ជបណ្ឌិតក៏បានអះអាងផងដែរថា វាមិនគ្រាន់តែធ្វើឲ្យទឹកកាមចុះខ្សោយប៉ុណ្ណោះទេ ថែមទាំងអាចមានការប៉ះពាល់ដល់ការផ្តល់កំណើតទៀតផង។ តែទោះបីជាយ៉ាណាក៏ដោយ លទ្ធផលនៃការស្រាវជ្រាវផ្សេងទៀត គួរតែធ្វើការសិក្សាឲ្យកាន់តែស៊ីជម្រៅជាងនេះទៀត មានន័យថា អ្នកអាចធ្វើការផ្លាស់ប្តូររបបចំណីអាហារដែលមានជាតិខ្លាញ់បន្តិច ដើម្បីជាប្រយោជន៍ដល់សុខភាពរបស់អ្នក៕

បន្លែពណ៌បៃតងមានប្រយោជន៍ចំពោះសុខភាព

ហេង សុភា សុខភាព និងសម្រស់

បន្លែពណ៌បៃតង

បន្លែ ពណ៌បៃតង ក្រៅពីជួយឲ្យមានរូបរាងស្វែលស្អាតហើយនោះ ថែមទាំងជួយឲ្យមានអារម្មណ៍ល្អ និងផ្ដល់ថាមពលដល់រាងកាយទៀតផង។ ពណ៌បៃតង ជាពណ៌ដែលផ្ដល់ឲ្យមាននូវអារម្មណ៍តុល្យភាព និងជាសញ្ញាតំណាងឲ្យការកកើតថ្មី ក្ដីសង្ឃឹមជួយឲ្យមានអារម្មណ៍រួសរាយ និងស្រស់ថ្លា។ ហេតុនេះ អ្នកគួរទទួលទានបន្លែពណ៌បៃតង ជារៀងរាល់ថ្ងៃដើម្បីជួយឲ្យទឹកចិត្តមានតុល្យភាព ពិសេសទាំងបន្លែ និងផ្លែឈើពណ៌បៃតង សុទ្ធតែជួយឲ្យអារម្មណ៍មានសេចក្ដីសុខ ជួយដល់តម្រងនោម និងថ្លើម ក្នុងការកម្ចាត់សារធាតុពុល ព្រមទាំងជួយបន្ថែមថាមពលដល់រាងកាយ។
- អ្នកអាចទទួលទានផ្លែឈើ តាំងពីព្រឹក ទល់ល្ងាចឲ្យបានច្រើន តាមដែលអ្នកអាចទទួលទានបាន ដូចជា ផ្លែគីវី ប៉ោម ត្របែក ទំពាំងបាយជូរ និងស្វាយ។
- គួរទទួលទានបន្លែឆៅ ឬឆាបន្លែ ដូចជា សណ្ដែកប្រភេទផ្សេងៗ ប្រូកខូលី ខាត់ណា ហើយគួរទទួលទានឱសថរុក្ខជាតិផង ដូចជា គល់ខ្ទឹម ស្លឹកជីរនាងវង ស្លឹកម្រះព្រៅ ស្លឹកក្រូចសើច និងខ្ជាយ ជាដើម។
- យកបន្លែមួយចំនួន ដូចជា ល្ពៅ ប៉េងប៉ោះ ផ្កាអង្គាដី ត្រួយអង្គាដី និងម្រះអាចម៍សត្វ ជាដើម មកស្ងោរ រួចទទួលទានជាមួយទឹកជ្រលក់ ដែលអ្នកចូលចិត្ត ដោយទទួលទានរួមជាមួយនឹងត្រីកាម៉ុងចំហុយ ឬចៀន ហើយទទួលទានបន្លែ ពេញមួយថ្ងៃ ឲ្យបានច្រើន តាមដែលអាចធ្វើទៅបាន ដោយពុំចាំបាច់បារម្ភថាច្រើនពេកនោះទេ។ ការទទួលទានបន្លែច្រើនប្រភេទ មានប្រយោជន៍ចំពោះស្បែក ជួយសម្អាតពោះវៀន ជួយសម្រកទម្ងន់ ធ្វើឲ្យអ្នកមានរាងស្វែលស្អាត ស្បែកស្រស់ថ្លា៕
ប្រភពពី women.open.org.kh។

រតនៈគិរី

Pages